ഓണപ്പാട്ടുകള്‍ എന്ന ലേബല്‍ ഉള്ള പോസ്റ്റുകള്‍ കാണിക്കുന്നു. എല്ലാ പോസ്റ്റുകളും കാണിക്കൂ
ഓണപ്പാട്ടുകള്‍ എന്ന ലേബല്‍ ഉള്ള പോസ്റ്റുകള്‍ കാണിക്കുന്നു. എല്ലാ പോസ്റ്റുകളും കാണിക്കൂ

16 ഒക്‌ടോബർ 2012

കന്നേറ്റിയില്‍ വള്ളം കളി - ഓണപ്പാട്ടുകള്‍ 6


രചന, സംഗീതം - ഇന്ദുശേഖര്‍ എം. എസ് 



കന്നേറ്റിയില്‍ വള്ളം കളി കാണാനെത്തുമ്പോള്‍ കണ്ണില്‍
കാണാതെങ്ങോ മറഞ്ഞു നീ കണ്ണില്‍ നോക്കുമ്പോള്‍
കണ്ണും കണ്ണും കടങ്കഥ പറഞ്ഞിരിക്കെ..ആ
കന്നിച്ചുണ്ടന്‍ മറുകരെ വിജയിചെത്തി
ഓളം തല്ലി പൂരക്കോളോടോരം പറ്റി തുഴയുമ്പോള്‍
ഓണക്കാറിന്‍ കീലും കൊണ്ടാ മഴയുമെത്തി                  [കന്നേറ്റിയില്‍ ...


മണ്ണും പൊന്നാക്കി മിന്നും മാളോരെ
വന്നാ പങ്കായമെറിഞ്ഞു താ ....
വന്നാ പങ്കായമെറിഞ്ഞു താ ....
വിണ്ണില്‍ പെയ്യുന്ന  ചിന്നും മേഘങ്ങ-
ളെല്ലാം പെണ്ണിന്റെ താളത്തിലായ്
എല്ലാം പെണ്ണിന്റെ താളത്തിലായ് 
എന്നുമൊന്നായി നിന്നാല്‍ വന്നെത്തും
അന്നത്തെ പോലെ പൊന്നോണം                                [കന്നേറ്റിയില്‍ ...

പാളും താളങ്ങള്‍ ഓളം തേടുമ്പോള്‍
കാളും ഉള്ളങ്ങള്‍ അറിഞ്ഞു വാ ...
കാളും ഉള്ളങ്ങള്‍ അറിഞ്ഞു വാ ...
തുള്ളും താളത്തില്‍ ഒന്നായ് തുഴഞ്ഞു
പൊള്ളും മനങ്ങള്‍ അറിഞ്ഞു വാ
പൊള്ളും മനങ്ങള്‍ അറിഞ്ഞു വാ
പാലം കടന്നു പോകും കിടാങ്ങള്‍
തേടും വേഗങ്ങളടര്‍ത്തി വാ                                         [കന്നേറ്റിയില്‍ ...

12 ഒക്‌ടോബർ 2012

മഴയില്‍ കുതിര്‍ന്നതോ - ഓണപ്പാട്ടുകള്‍ 5

രചന, സംഗീതം - ഇന്ദുശേഖര്‍ എം. എസ് 

മഴയില്‍ കുതിര്‍ന്നതോ
നിന്‍ തനുവില്‍ പൊടിഞ്ഞതോ
ഈ നനവില്‍ ഞാന്‍ അമരുമ്പോള്‍
എന്‍ മനമുണര്‍ന്നു  സഖീ
കുളിര്‍ തഴുകി നിന്നൂ സുഖം          [ മഴയില്‍

ചേക്കേറാന്‍ പറവകള്‍ തിരികെ പോയ്‌
അന്തിപൊന്‍ ഗോളം കടലില്‍ തിരികെ പോയ്‌
അറിഞ്ഞറിഞ്ഞു നിറഞ്ഞു നിന്നില്‍
മതി മതി ഇന്നിതു മതി
കുളിര്‍ തഴുകി നിന്നൂ സുഖം          [ മഴയില്‍

വാക്കേറേ പറഞ്ഞു തളര്‍ന്നു നീ
അന്തിക്കെന്തേ നീ എന്നില്‍ പരതുന്നു
നിറഞ്ഞു നിറഞ്ഞു പകര്‍ന്നു നിന്നില്‍
മതി മതി ഇന്നിതു മതി
കുളിര്‍ തഴുകി നിന്നൂ സുഖം          [ മഴയില്‍

07 ഒക്‌ടോബർ 2012

താരകങ്ങള്‍ കണ്ണ് ചിമ്മും - ഓണപ്പാട്ടുകള്‍ 4

രചന, സംഗീതം - ഇന്ദുശേഖര്‍ എം. എസ്.

താരകങ്ങള്‍ കണ്ണ്  ചിമ്മും
ശ്രാവണ സന്ധ്യയില്‍
കാത്തിരുന്നതാരയോ നീ
തരളിത ചന്ദ്രികേ
നാലകത്ത് നാലും കൂട്ടി
മുറുക്കുന്ന മുറ ചെറുക്കന്‍
വന്നിടുമോ നിനക്ക് കയ്യില്‍
പുടവ തന്നിടുവാന്‍              [താരകങ്ങള്‍

ഓണമായ്  പൊന്നോണമായ്
കളിയാടാന്‍ വായോ
പാകമായ് നടമാടുവാന്‍
കുളിര്‍ കാറ്റേ വരൂ നീ...
പൂവേ പൊലി പാടുവാന്‍
പൂമുഖത്ത് നിരന്നിടാം
അണയുന്നു പൊന്നോണം
നിനക്ക് പുടവയുമായ്        [താരകങ്ങള്‍

ഓമലാളിന്‍ പൂങ്കിനാവില്‍
കളിയോടം തുഴഞ്ഞു
പാതിരാ മഴ നനഞ്ഞ നിന്‍
തനു കണ്ണിന്‍ പൊന്‍കണി
പൂവേ പൊലി പാടുവാന്‍
പൂമുഖത്ത് നിരന്നിടാം
അരികിലെത്തി പൊന്നോണം
നിനക്ക് പുടവയുമായ്        [താരകങ്ങള്‍

20 സെപ്റ്റംബർ 2012

മഴ മാറി... മഴ മേഘം മാറി - ഓണപ്പാട്ടുകള്‍ 3



രചന, സംഗീതം - ഇന്ദുശേഖര്‍ എം. എസ്.

ഈ ഗാനം മധ്യമാവതി രാഗത്തില്‍ ഞാന്‍ കമ്പോസ് ചെയ്ത ഒരു ഈണം അനുസരിച്ച് എഴുതിയിട്ടുള്ളതാണ് 




മഴ മാറി... മഴ മേഘം മാറി 
തുമ്പ പൂക്കള്‍ തൊടിയില്‍ വിടര്‍ന്നു നിന്നു 
കുളിര്‍ മാരുതനിതുവഴി കടന്നു വന്നു 
സന്ധ്യ കുളിച്ചൊരുങ്ങി 
തിരുവോണം മനസ്സില്‍ തുയിലുണര്‍ന്നു 

പൂത്തുമ്പി പറക്കുമ്പോള്‍ 
പൂമണം പൊഴിയുന്നു 
കാറ്റിലുമലിയുന്നുണ്ടാ ഗന്ധം 
നിന്‍ കരം ഗ്രഹിക്കുമ്പോള്‍ 
എന്‍ ഉള്ളം തളിര്‍ക്കുന്നു 
വന്നിടും മനങ്ങളില്‍ പൊന്നോണം 

ശ്രാവണം പിറക്കുമ്പോള്‍ 
ശശികല നിറയുമ്പോള്‍ 
ശ്രുതിസുഖമൊരു വരി പാടൂ നീ 
വരുകില്ലതില്ലാതിനി 
അരികില്‍ നീ നിന്നെന്നാലും 
എനിക്കറിവുള്ളൊരു പൊന്നോണം 




19 സെപ്റ്റംബർ 2012

ഓണത്തപ്പനെ വരവേല്‍ക്കാനായ്‌ - ഓണപ്പാട്ടുകള്‍ 2


രചന, സംഗീതം : ഇന്ദുശേഖര്‍ എം. എസ് .

ഓണത്തപ്പനെ വരവേല്‍ക്കാനായ്‌  പൂക്കളമെഴുതുമ്പോള്‍
നിന്നുടെ മൌനവിരാജിത മിഴികളിലെന്‍ വിരല്‍
വണ്ടായ് മാറുന്നു ...
പൂവേ പൊലി...പൊലി പൊലി പൂവേ
പൂവേ പൊലി...പൊലി ....പൂവേ 

പൂവേ പൊലി...പൊലി പൊലി പൂവേ
പൂവേ പൊലി...പൂ....വേ

ഓലക്കുടയും ചൂടിക്കൊണ്ടാ രാജാവിന്നെഴുന്നള്ളുമ്പോള്‍
ഓലക്കുരുവീ പാടില്ലേ നീ കൂടെ..
തുമ്പപ്പൂവിന്‍ ചോറുണ്ടേ
മുക്കൂറ്റിതൊടുകറിയുണ്ടേ
ഇല വെട്ടാനായ് പോരുന്നോ കൂടെ

നന്ത്യാര്‍വട്ട പൂവിന്‍ ചാരെ വാടാമല്ലീ നീയും വന്നാല്‍
ആഹാ വര്‍ണ്ണ കൂട്ടായില്ലേ ചൊല്ലൂ ...
കൊന്നപ്പൂവിന്‍ കുറവുണ്ടേ
ഒന്നിച്ചുണ്ടാല്‍ നിറവുണ്ടേ
മാബലിയെന്നാല്‍ കേരളമൊന്നാണേ

12 സെപ്റ്റംബർ 2012

പൂവേ നീ ഉണര്‍ന്നില്ലേ - ഓണപ്പാട്ടുകള്‍ 1

രചന, സംഗീതം : ഇന്ദുശേഖര്‍ എം. എസ് .


പൂവേ നീ ഉണര്‍ന്നില്ലേ
പൂത്തുമ്പി പറഞ്ഞില്ലേ
ഓണം വന്നു നിന്റെ വനിയില്‍
കാണാ വഴികളില്‍ 
കാറ്റില്‍ തളിരുകള്‍ 
ആരെ തേടി മയങ്ങി 

മാബലിയെ വരവേല്‍ക്കുവാന്‍
മലയാളമനസ്സുണരവേ
നിന്‍ മാറില്‍ മധുവോ മിഴി നീരോ ?
ചൊല്ലുമോ ചൊല്ലുമോ തുമ്പിയോടിന്നു നീ ...

പൂക്കളങ്ങള്‍ക്ക് തേടവേ
പൂനിലാവിന്നു കൈതവം
നിന്‍ ചിരിയില്‍ വിടര്‍ന്നത് നേരോ ?
ചൊല്ലുമോ ചൊല്ലുമോ തുമ്പിയോടിന്നു നീ ...


New song released on 19.9.2021 Rakkinavil Vanna Neeyaru... by Saritha Rajeev Lyrics - Ramesh Kudamaloor  Music - Indusekhar M S